Mying n chye lu ai laknak lang wuhpung 1, Pyi-Tu-Tsit ni hpe sa gap ai majaw, P-T-Ts hpyenla marai 3 si marai 2 hkala

Mungmyit Sinli Ga ( Kachin Sub-state ) Muse 105 mile hte Bang Sai mare lapran na Jin Shan Gyaw mare kaw nga ai Namhkam Myo Ma Pyi-Tu-Tsit ni hpe December shata 2 ya, laban shana hkying 8:15pm aten hta mying n chye lu ai laknak lang wuhpung 1 sa htim gap ai majaw, P-T-Ts hpyenla marai 3 si nna marai 2 hkala hkrum ai lam na chye lu ai.

Ndai Jin Shan Gyaw mare gaw Miwa hkran de rap na matu, Nga hpaga la ni Nga dat, rem mahkawng ai shara rai nna, Muse Myo Ma Pyi-Tu-Tsit ni shagyit ( Gate ) galaw nhtawm, Nga hpaga la ni kaw gumhpraw hkaphta sha ai shara re lam, shawng lam shi sawk ni kawn chye lu ai.