Myitkyina Ginwang Jinghpaw Wunpawng Hkalup Hpung Ginjaw a (50) lang na hpung shawa zuphpawng galaw

Myitkyina Ginwang Jinghpaw Wunpawng Hkalup Hpung Ginjaw a (50) lang na hpung shawa zuphpawng hpe March shata 23 ya shani kaw nna, galaw nga sai re.

March shata 23 ya shani kaw na 26 ya shani du hkra, Myitkyina Ginwang Sasana Chyum Jawng wang kaw galaw sa wa nga ai lam chye lu ai.

Hpung shawa zuphpawng a laklai ai lam hpe shabyin shatai komiti Amu Madu Rev. Layaw Dau Hawng tsun ai hta “Myitkyina Ginwang kaw Buga hpung 72 lawm ai hta Buga hpung 12, Rap 2 gaw ginwang langai hku tsap sa wa na, dai hpe e ndai zuphpawng hta bai daw dan shagrin la na, ndai bungli ni gaw laklai ai magam bungli ni re” nga tsun ai.

Zuphpawng hta 2023 ning kaw na 2026 ning laman na magam gun ningnan ni hpe lata san ai lam, hpung up aya tang san ai lam, ginwang a shawng lam sasana magam bungli masing ni hpe bawng ban daw dan shagrin ai lam ni galaw sa wa na hpe chye lu ai.

Myitkyina Ginwang kata hta Hkahku Mung Ginwang, Htingnai Ginwang, Waimaw Ginwang, Sama Ginwang hte Uru Sengmaw Ginwang ni lawm ai lam chye lu ai.