Myitkyina Muklum hta hpung sara langai hpe mawdaw hte adawt sat
Myitkyina Muklum, Dap Kawng Shwe lernma ( ေရႊလမ္းမ ) lam braw kaw March 18 ya shana hkying 06:00pm aten daram hta hpung sara Lahtaw Naw Tawng asak ( 41 ) ning hpe mawdaw
langai shingdu hku wa adawt kau da ai majaw, Sara Lahtaw Naw Tawng gaw dai kaw jang asak si sum mat ai lam na chye lu ai.
Ndai sara gaw Du mare lawk ( 5 ) kaw nga nna, Shwe Zet IDP Camp na Ma ni hpe ျမန္မာ့သုိ္င္း jau hkyen hpaji ni hpe sharin ya nga ai sara mung re lam, buga masha ni tsun ai kawn chye lu ai.
Ya aten hta seng ang ni kaw nna mawdaw hte wa adawt ai masha hpe tam sagawn nga ding yang re lam mung na chye lu ai.
Sara a hkum tsawp moimang hpe March 20 ya shani hkying 10:00am aten Shwe Zet buga hkalup hpung nawku jawng wang hta makoi mayang akyu hpyi hpawng galaw nhtawm, Nawngnang Jawbum hkristan lupding lup-ra de makoi mayang na re lam na chye lu ai.
