Myitkyina Muklum kata lagu lagut damya mya ai lam grau law wa

Myitkyina Muklum kata lagu lagut damya mya ai lam lani hte lani grau law wa nga ai lam chye lu ai.

February shata 11 ya shani, Myitkyina Yuzana lawk kaw cycle jawn wa ai amyu shayi marai lahkawng hpe hpang kaw na 125 cycle hte hkan nang ai la langai kachyi kashun mat wa ya ai lam, ginra masha ni tsun ai.

Myitkyina Muklum kata hta ya aten, gumhpraw kashun lagu lagut damya mya ai lam law nga ai sha n-ga, ka-ni nanghpam dut mari lu sha ai lam mung law nga ai majaw, ginra mungshawa ni hkawmsa hkawmwa ai lam hta sadi maja na hkawmsa nga ra ai lam, ginra masha ni matut tsun ai kaw na chye lu ai.

Ndai zawn lagu lagut damya mya ai lam, ka-ni nanghpam dut mari lu sha ai lam law wa ai gaw, gumshem Myen hpyen dap ni mungdan daru magam ahkang aya zing madu la kau ai hpang kaw na, lani hte lani grau grau sawng wa nga ai rai nna, hpai da wang ni mung law wa ai hta seng ang ai ni hku nna mung, lit la hparan ya ai lam nnga ai hpe na chye lu ai.