N0. 2 Lang na Chihpwi Ginwang Ramma shawa sharin hpawng galaw na

N0. 2 lang na Chihpwi Ginwang Ramma shawa sharin hpawng hpe Chihpwi Ginwang Ramma Magam Dap kawn woi awn nna du wa na April shata 1 ya shani manam zup, April 6 ya shani manam bra, ndai sharin hpawng hpe Chihpwi Buga kaw galaw sa wa na re lam chye lu ai.

Sharin hpawng a ga baw gaw “Rawt Ga, Bai Gaw Gap Ga” ngu ai ga baw kaba kata kaw ga baw kaji ni hte sharin ya ai lam, special talk hte buga 1 na marai 2 hpra mahkawn hkawn shingjawng ai lamang ni lawm ai.

Sharin sara ni gaw, Rev.Yamkaw Htaw Hkawng gaw, ginra labau mabyin masa hte dai ni na ramma, Dr. Galau Sau Bawm gaw, KBC makam hkri dun hte Ramma, Sara Palawng Seng Myat Naw gaw, Ramma hte laili laika, Hpaumye Hkawn Pa gaw, Youth and Ministry, Sara Mading Hkaw Lang gaw, Contextual Theology, Saranum Lacid Lum Nan gaw, Bible study, Sara Jangmaw Nan Hpung gaw, KBC Ramma masing masa, Rev. Byulwi Yaw Bawm gaw, Ramma hte Nanghpam, Sara Htawmshing Yaw Zung gaw, Praise and Worship, Shayi Htawmshing Ying Myaw gaw Experience Sharing ni tsun dan mat wa na re hpe chye lu ai.

Yaw shada ai lam gaw, dai ni anhte mungmasa lam hta hkrat sum taw ai, hpaji masa lam hta hkrat sum taw ai, myusha lam hta mung hkrat sum taw ai lam shagu hta hkrat sum taw ai re majaw daini daina kaw nna gaw, bai rawt ga, bai gaw gap ga ngu ai yaw shada ai lam re. Ramma shawa sharin hpawng hpe 4 ning hta kalang galaw na matu ginwang a gawda ai tara kaw ka da ai raitim masa amyu myu a majaw n lu galaw ai lam byin ai re, nga nna Chihpwi Ginwang Ramma Magam Dap kawn chye lu ai.

No. 1 lang na Chihpwi ginwang ramma shawa sharin hpawng hpe Pangwa Buga kaw galaw lai wa sai re. Chihpwi ginwang kata kaw buga hpung 18 nga ai hpe chye lu ai.