Naga ni a shara de htaw shang ai jak sau arung arai ni hpe Myen hpyen dap ni hkum pat
Naga ginra, Daga mare kaw shara jahkrat nga ai Myen hpyen dap Hk.M.Y 309 dap na hpyen hpung ni gaw Hkanti maga kawn Tung Mari Jamaw maga jak sau arung arai htaw lung ai jak li ni hpe February shata 7 ya shani kawn hkum pat da ai lam na chye lu ai.
Lai wa sai January shata 29 ya shani hta Myen hpyen dap a sinna ginwang ginjaw na hpyen dap 6 hte Naga amyu sha laknak lang rawt malan hpung NSCN-K ni a ginjaw shara hpe hpyen n gun 400 daram hte wa shang zing la kau sai re.
KIA Dap Dung 14 ginra, Nam Byu kaw shara jahkrat nga ai Myen hpyen hpung ni mung, Nam Byu ja maw kata hta ja htu nga ai ni hpe hkan pat jahkring nga ai lam na chye lu ai.
