Nam Gawn gumshem Myen dap hpe KIA ni htim gasat nga

KIA Masat (2) Dap Ba, Masat (14) Dap Dung ginra, Hugawng Ginwang, Nam Gawn gumshem Myen hpyen dap hpe KIA ni htim gasat nga ai lam chye lu ai.

March shata 18 ya jahpawt hkying 5:30am aten daram kaw na Nam Gawn mare dingsa (ja maw) kaw dap jung nga ai, gumshem Myen hpyen dap hpe KIA ni htim gasat nga ai lam, lit nga ai salang langai tsun ai.

KIA ni htim gasat nga yang gumshem Myen hpyen dap nbungli hte laknak kaba ni gap garum ya ai lam nga ai rai nna, lahkawng maga hpyen masa shaja hkat nga ding yang re hpe chye lu ai.

March shata praw 7 ya shani kaw na gumshem Myen hpyen dap shara ni hpe KIA ni laja lana htim gasat hpang wa ai hta gumshem Myen hpyen dap shara nkau hpe KIA ni gasat zing la lu sai hpe chye lu ai.