Namhkawng Bum mayan kaw KIA hte gumshem Myen hpyen ni gasat gala majan byin
Mungmyit Sinli Ga (Kachin Sub-state), KIA Masat (6) Dap Ba, Masat (36) Dap Dung ginra hta March shata 22 ya jahpawt hkying 7:00am kaw nna, 7:50am aten du hkra, Namhkawng Bum mayan kaw KIA hte gumshem Myen hpyen dap ni gasat gala majan byin ai lam chye lu ai.
Gumshem Myen hpyen dap, Hk.M.Y (355) dap na hpyen n-gun 100 daram KIA hpyen hpung ni nga ai shara de htu lung wa ai majaw gasat gala majan byin ai re lam, shawng lam na lit nga ai salang ni shana wa ai.
Gasat gala majan byin ai shara de, Mungbaw Mai Hpang kaw dap jung ai gumshem Myen hpyen ni laknak kaba 4 lang gap bun ai lam chye lu ai.
Hk.M.Y (355) dap na hpyen n-gun 100 hpung ni gaw lai wa sai March (19) ya shani hpyen n-gun jat lung wa ai hpyen hpung ni rai nna, gasat gala majan mung matut na naw byin wa mai ai lam shawng lam na lit nga ai ni shana wa ai kaw na chye lu ai.
