Namhpaka mare kaw na jawng Saranum langai gap sat hkrum

Kuthkai, Hwi Hkuk mare kaw jawng Sara hku nna ap nawng nga ai jawng Balawng Amyusha Saranum Lwi Mya Mwi Aung hpe January shata 24 ya shana, Saranum shi manang ni hte yup taw nga ai aten hta sinat hte gap sat kau da ai re lam, buga masha ni shana wa ai kawn chye lu ai.

Gap sat hkrum ai Saranum Lwi Mya Mwi Aung asak 26 ning gaw, Namhpaka mare lawk 4 kaw na, U Yan Ching hte Daw Aung Mi yan a kasha rai nna, jawng sara magam gun ladaw mali ning re lam chye lu ai.

Mabyin gaw Saranum Lwi Mya Mwi Aung hpe shi a sumtsaw wa sa woi la ai shaloi, nhkan ai ngu nna, kanu kawa ni jaw sha ai kaw wa na ngu tsun da ai lam nga ai hpe manang ni bai  tsun dan ai. Dai tsun da ai bat mi pi nna yang ya na zawn yup taw ai aten, dai Saranum a sumtsaw wa gaw nta numgaw hku nna gram hkrat wa nhtawm, sinat hte gap sat kau da ai re lam, Namhpaka buga masha langai tsun ai.

Hkumtsawp moi mang hpe Kutkai Hwi Hkuk mare kaw nna Namhpaka mare de htaw wa sai re. Saranum hpe sa gap sat ai sumtsaw wa mung Balawng Amyusha re lam, buga masha ni tsun dan ai.