Namti ginra Myen hpyen dap ni hpyen laja lana lahkawn nga

Namti ginra hta gumshem Myen hpyen dap ni hpyen laja lana rim lahkawn nga ai lam chye lu ai.

February shata 10 ya shani kaw nna, Namti ginra hta gumshem Myen hpyen dap ni nta langai hpang langai shang rai mying jahpan hkan hta la nna, hpyen rim lahkawn nga ai lam, ginra masha ni kaw na chye lu ai.

Gumshem Myen hpyen dap ni gaw, Namti ginra kata nga ai asak ram ai ramma, la wa ngan mungshawa ni hpe nta langai kaw na marai langai mi hpyenla n galaw nmai ngu ai ga baw hte hpyen rim lahkawn nga ai re lam chye lu ai.

Ndai zawn hpyen rim lahkawn nga ai sha n-ga, gumshem Myen hpyen dap ni gaw lam numbraw, lam maw kaba hkan shara jahkrat nga rai nna, mungshawa ni hpe laja lana sawk jep ai lam ni galaw nga ai majaw, mungshawa ni hkrit tsang nna hkawmsa nga ra ai lam chye lu ai.

Gumshem Myen hpyen dap ni gaw ya aten Jinghpaw mung shara shagu ngu na hpyen n-gun htu shadut shamu shamawt nga ai sha n-ga, hpyen rim lahkawn ai lam ni, mungshawa ni hpe sawk jep ai lam ni ding yang ngu na galaw nga ai re hpe mung chye lu ai.