Namti Lambraw Yang mare na mungmasha marai ( 2 ) hpe mara kata Myen hpyen ni sat kau ya

KIA Dap Ba ( 2 ) Dap Dung ( 11 ) ginra, Namti Lambraw Yang mare hta nga ai salang Hpaugap Naw Let asak ( 40 ) jan hte salang Labang Bawk Naw asak ( 34 ) ning yan hpe, August praw 9 ya jahpawt hkying 4:30am aten hta Siden Yang hte Nam Nawn lapran ရင္ခြဲေတာင္ mawdaw lam makau kaw mara kata bawm hte kapaw sat kau ya ai lam chye lu ai.

Shan gaw August praw 7 ya shani Dumbung de Nga hkwi sa nna bai nhtang wa ai lam kaw, bawm ding sa mu hta wa nna Nga gap sha na matu la wa ai kaw Myen hpyen dap ( 101 ) na pawnghpawm hpyenla ni mu sawk jep nna rim adup zingri sat kau ya ai re. Salang Hpaugap Naw Let gaw Myen asuya a Wan sat magam dap hta Du aya hku magam gun nga ai salang langai mung re hpe chye lu ai.

Shan lahkawng a moi hpe nta masha ni sa hpyi ai raitim, n jaw, n  madun ai lam, ya ten du hkra gaw seng ang ai salang ni hte dai moi mang lu la na matu hpyi lajang nga ai lam, buga masha langai tsun ai kawn chye lu ai.