Nawng Lut ginra gasat gala majan matut byin nga

KIA Masat (9) Dap Ba, Nawng Lut ginra hta gasat gala majan matut byin nga ai lam chye lu ai.

January shata 31 ya jahpawt hkying 7:30am aten daram kaw nna, Nawng Lut ginra kaw dap jung shara jahkrat nga ai gumshem Myen hpyen dap hte KIA ni gasat gala majan kalang bai matut byin wa ai lam, shawnglam lit nga ai salang ni tsun ai.

Nawng Lut ginra hta KIA hte gumshem Myen hpyen dap ni January shata 20 jan kaw nna, gasat gala majan matut manoi byin nga ai hta gumshem Myen hpyen dap gaw nbungli hte gap gasat ai lam ni galaw nga ai hpe chye lu ai.

Manmaw ginra hta mung KIA pawng hpawm hpyen hpung ni hte gumshem Myen hpyen dap ni gasat gala majan matut byin nga ai rai nna, gumshem Myen hpyen dap kawn shani shagu ngu na nbungli, drone ni hte wa gap gasat nga ai hta ya aten du hkra, lahkawng maga hpyen masa shaja hkat nga ding yang re hpe chye lu ai.