Nawng Si Paw gumshem Myen hpyen dap hpe KIA ni padang dip la
Waimaw ginra Nawng Si Paw sin kawp gumshem Myen hpyen dap shara hpe KIA ni padang dip la lu ai lam chye lu ai.
May shata 28 ya jahpawt hkying 7:44am aten daram hta Waimaw Hk.L.Y (58) gumshem Myen hpyen dap a sin kawp shara rai nga ai, Nawng Si Paw gumshm Myen hpyen dap hpe KIA pawng hpawm hpyen hpung ni padang dip la lu sai lam chye lu ai.
Nawng Si Paw dap gaw gumshem Myen hpyen dap hte P.T.Ts ni pawng hpawng hpyen hpung ni shara la nga ai rai nna, Waimaw ginra a sin kawp shara langai re hpe mung chye lu ai.
Matut nna Nmawk, Manje ginra ni hta hpyen masa shaja hkat nga ding yang rai nna, KIA hte gumshem Myen hpyen dap lapran gasat gala majan mung matut byin nga ai re.
