Nbung laru a majaw hpun gamyet bun nna mungshawa langai asak si sum

Hpakant, Lawa mare lawk 1 kaw na Jan.Nru Roi Ja gaw Loili Yang Ninghtawn Dumbung mare Hpahka Pa, namsi sun yi galaw nga ai ten hta, May shata praw 6 ya shana daw hkying 5:30pm aten nbung laru wa ai majaw, hpun gamyet bun nna asak si sum mat ai lam nga ai re hpe chye lu ai.

Asak si sum ai Jan Nru Roi Ja gaw asak 65 ning rai nna, shi a moi mang hpe Lawa shinggyim nau na wuhpung ni kawn Lawa mare de htaw wa nna May shata praw 7 ya jahpawt hkying 9:30am aten hta makoi mayang kau sai lam buga masha ni shana wa ai kaw na chye lu ai.

Nbung laru a majaw ya na zawn byin ai lam gaw shawng nnan lang re hpe mung chye lu ai.