Nbungli bawm a majaw mungshawa si hkala hkrum

Gumshem Myen hpyen dap a nbungli bawm a majaw, mungshawa si hkala hkrum ai lam chye lu ai.

February shata 19 ya jahpawt jau hkying 1:25am aten daram hta Daw Hpum Yang ginra, Wa Ngang mara kaw gumshem Myen hpyen dap ni nbungli bawm wa jahkrat bun ai majaw, mungshawa marai 7 asak si sum nna, marai 2 hkala hkrum ai lam, ginra masha ni tsun ai.

Asak si sum ai mungshawa ni gaw, Salang. Maung U nta masha marai 7 asak si sum mat ai rai nna, Nang i mare na mungshawa marai 2 hkra hkala ai lam chye lu ai.

Gumshem Myen hpyen dap ni gaw, gasat gala majan byin ai lam nnga shara ni hta nbungli hte hkrup mara gap gasat ai lam ni ding yang ngu na galaw nga ai majaw, mungshawa si hkala hkrum ai hte dum nta ni law law hten za hkrum nga ai hpe chye lu ai.