Nbungli bawm hkrat kapaw ai majaw mungmasha langai asak si sum

Mungmyit Sinli Ga (Kachin Sub-state) ginra, Man Na mare kaw, gumshem Myen hpyen dap a nbungli bawm wa hkrat kapaw ai majaw, mungmasha langai asak si sum mat ai lam chye lu ai.

November shata 26 ya jahpawt hkying 6:00am aten daram hta gumsham Myen hpyen dap a nbungli bawm, Man Na mare kaw hkrat kapaw ai majaw, asak 18 ning re num kasha langai asak si sum mat ai lam ginra masha langai tsun ai.

Matut nna hpyen yen ni nga ai, St.Thomas nawku jawng wang kaw mung, nbungli bawm langai wa hkrat kapaw ai majaw, mungmasha marai (3) hkra hkala ai raitim, grai sawng ai lam nnga ai hpe chye lu ai.

Ya ten Mungmyit Sinli ginra ni hta gasat gala majan matut manoi byin nga ai hta gumshem Myen hpyen dap ni sum machyi nga ai re majaw, mungshawa ni nga ai shara de nbungli bawm, laknak kaba ni hkrup mara gap bun nga ai re lam chye lu ai.