Nbungli bawm hte laknak kaba si a majaw, mungshawa si hkala hkrum
Gumshem Myen hpyen dap ni a nbungli bawm hte laknak kaba si wa hkrat kapaw ai majaw, mungshawa si hkala hkrum ai lam chye lu ai.
February shata 13 ya jahpawt hkying 8:30am aten daram hta Hpakant tatma kawng kaw na gap dat ai laknak kaba si, Ring Chyai (ေတာင္ျပိ ု) mare kaw wa hkrat kapaw ai majaw, mungshawa marai langai asak si sum mat nna, marai (3) hkala hkrum ai lam, ginra masha ni kaw na chye lu ai.
Asak si sum mat ai wa gaw, shadang. ေန၀င္းထြန္း asak (7) ning, hkala hkrum ai mungshawa ni gaw, shadang. မင္းသူရိန္ asak (3) ning, shadang. ကုိလင္း asak (11) ning hte shayi. နန္းခုိင္စုိး asak (11) ning ni re ai lam chye lu ai.
Matut nna hkying 11:00am aten daram hta mung, Da Law mare kaw gumshem Myen hpyen dap ni nbungli bawm (5) lang wa jahkrat bun ai majaw, mungshawa marai (2) asak si sum mat nna marai (1) hkala hkrum ai hte dum nta ni mung hten za hkrum mat ai lam chye lu ai.
February shata 12 ya shani hta mung, Shwi Nyawng Pin (Ja Lagat Yang) mare kaw gumshem Myen hpyen dap ni nbungli bawm wa jahkrat bun nna, rocket hte mung wa gap gasat ai majaw, Salang. Aik Gyen nta hten za mat ai lam chye lu ai.
Ya aten gumshem Myen hpyen dap ni gaw, gasat gala majan nbyin ai shara hkan raitim, nbungli, drone, laknak kaba ni hte hkrup mara gap gasat nga ai majaw, mungshawa si hkala hkrum ai hte dum nta ni mung hten za hkrum nga ai re.
