Nga wuloi htaw ai mungshawa modo ( 1 ) hpe laknak lang uhpung ( 1 ) hkap gap ai majaw, marai ( 2 ) asak si sum

Mungmyit Sinli Ga ( Kachin Sub-State ) KIA Dap Ba 4 Dap Dung 34 ginra, Mungmyit Ginwang, Na Hkaw mare hte Bu Hka mare lapran kaw Nawng Cho maga kawn lung wa ai, Nga wuloi htaw modo 1 hpe, September praw 8 ya shani kadai re nchye laknak lang wuhpung langai sinat hkap gap ai majaw, mungmasha marai 2 asak si mat ai lam na chye lu ai.

Ya na zawn hkap gap ai hta modo driver salang Tsai Lau Sai asak 30 ning hte modo hpang hkan salang Ha Tsing yan gaw dai shara kaw nan asak si sum mat ai re lam, shawnglam shisawk ni kawn chye lu ai.