Ningbaw Kaba Du Daju Jum Nban La kaw nna, magam gun amyu shayi ni hpe n-gun jaw mungga tsun ai hpawng galaw

Laiza Muklum Padang Hkrun Lam Majan Masing Woi Awng Rung gawknu hta February 10 ya jahpawt hkying 9:00am aten kaw nna hkying 11:00am aten du hkra, KIO magam gun amyu shayi ni hpe, Ningbaw Kaba Du Daju Jum Nban La kaw nna, n-gun jaw mungga tsun ai hpawng galaw ai lam chye lu ai.

Ningbaw Kaba kaw nna, amyu shayi ni hpe n-gun jaw mungga tsun ai hta “Karai Kasang jaw ai KIO magam lit hpe kangka hkra gun hpai na, atsam rawng ai amyu shayi ni rai ra na, magam bungli hta atsam marai shapraw ra na hte Pati shang amyu shayi ni n-gun kaba wa hkra shakut sa wa ra na” ngu ai lam ni rai nga ai.

Zuphpawng hta magam dap, makan dap shagu na magam gun amyu shayi ni yawng marai 300 jan sa du shanglawm madat hkam la ai hpe chye lu ai.