Ninggawn mungmasa sharin hpawng galaw

Sinpraw Ginwang Ginjaw, Komiti kaw na woi awn let, Mai Ja Yang Muklum kaw Ninggawn mungmasa sharin hpawng galaw nga ai lam chye lu ai.

Mai Ja Yang Muklum kata shanu nga ai mungshawa ni hte hpyen yen dabang hkan na mungshawa ni hpe October shata praw 9 ya shani kaw nna, 11 ya shani du hkra, Ninggawn mungmasa sharin ya ai lam galaw nga ai hpe, lit nga ai salang langai tsun ai.

Sharin hpawng hta Ginjaw Komiti Ningtau Ninggawn Amu Madu, Salang. Kaba Labang Doi Pyi Sa kaw nna, sa du sharin ya ai lam galaw ai re.

Matut nna Ninggawn mungmasa sharin ai hte seng nna, Sinpraw Ginwang Ginjaw Komiti Amu Madu, Du Kaba Maran Hkun Seng ya na zawn tsun ai hta

“Ninggawn mungmasa ngu  ai gaw anhte Wunpawng Mungdan Shanglawt Hpung, Wunpawng Mungdan Shanglawt Hpyen Dap na matu sha nre, Wunpawng Mungdan Shanglawt Hpung kaw nna, Wunpawng Mungdan hte Mungdang sha ni a masing masa hpe gran nhtawm, galaw sa wa na matu yaw shada da ai lam, masan ai lam re” nga nna tsun ai.

Ndai sharin hpawng hta Magam Dap, Makan Dap hkan na magam gun ni, jawng magam gun ni hte mungshawa ni yawng marai 200 jan sa du sharin hkamla nga ai re lam chye lu ai