Ninggawn mungmasa sharin hpawng galaw la lu

Dingda Ginwang Ginjaw, Namhpakka Ginwang Komiti kawn woi awn galaw ai, ninggawn mungmasa sharin hpawng hpe galaw la lu sai lam chye lu ai.

December shata 10 ya shani kaw nna 12 ya shani du hkra, Namhpakka Ginwang Masat 8 Dap Dung kaw, ninggawn mungmasa sharin hkamla hpawng hpe galaw la lu sai lam, lit nga ai salang langai tsun ai.

Sharin hpawng hta Salang Kaba Lahpai Tu Hkawng kawn, ninggawn mungmasa sharin ya ai rai nna, mungshawa marai (294) sa du sharin hkamla sai hta dai ni ginchyum dat hpawng hpe galaw la lu sai lam chye lu ai.

Matut nna ginchyum dat hpawng hta Magam Dap, Makan Dap na salang ni, nawku hpung woi sara ni, amyu shayi komiti ni hte mungshawa yawng (300) jan sa du shanglawm ai hte galaw ngut kre la lu sai lam chye lu ai.