Ninghkap Shingla Majan hte Hpyen Yen Ladaw ( 5 ) Ning Hpring Lamang galaw
Myen asuya hpyen dap hte KIA hpyen dap ni 2011, June 9 ya shani kawn kalang bai gasat gala majan byin wa ai majaw, Wunpawng Amyu sha ni hpyen yen tsinyam hkrum sha nga ai hpyen yen ladaw ( 5 ) ning hpring lamang hpe Myitkyina Shatapru manau wang hta galaw ai lam chye lu ai.
Myitkyina hte Wai Maw hpyen yen dabang ( 35 ) kaw na hpyen yen mungshawa ni, Dai ni June, 9 ya jahpawt hkying 6:00am aten hta စစ္ေျပးဒုကၡသည္မ်ား၏ ေနရပ္အတြင္း တပ္စဲြထားေသာ စစ္စခန္းမ်ား ရုပ္သိမ္းေပးပါ။ စစ္ေရွာင္မ်ားသည္ သူေတာင္းစား မဟုတ္ပါ။
Myen asuya hpyen dap hte KIA hpyen dap ni 2011, June 9 ya shani kawn kalang bai gasat gala majan byin wa ai majaw, Wunpawng Amyu sha ni hpyen yen tsinyam hkrum sha nga ai hpyen yen ladaw ( 5 ) ning hpring lamang hpe Myitkyina Shatapru manau wang hta galaw ai lam chye lu ai.
Myitkyina hte Wai Maw hpyen yen dabang ( 35 ) kaw na hpyen yen mungshawa ni, Dai ni June, 9 ya jahpawt hkying 6:00am aten hta စစ္ေျပးဒုကၡသည္မ်ား၏ ေနရပ္အတြင္း တပ္စဲြထားေသာ စစ္စခန္းမ်ား ရုပ္သိမ္းေပးပါ။ စစ္ေရွာင္မ်ားသည္ သူေတာင္းစား မဟုတ္ပါ။ မိုင္းမ်ားရွင္လင္းေပးပါ။ အမ်ဳိးသမီးမ်ား အၾကမ္းဖက္ခံရ သူမ်ားအတြက္ တရားမ်ွတမွဳရရွိေရး။ ngu ai laika ni hpai sharawt nhtawm lam hkawm shawa n-gun madun ai lam chye lu ai.
Dai hpang Myitkyina Shatapru Manau wang hta Hpyen yen mungshawa ni Majan Tsinyam Kraw Madai Nsen lamang hpe shana de hkying 3:00pm aten du hkra galaw ai hpe chye lu ai. Dai lamang hta Wunpawng Amyu sha Mungdan Rapdaw hte Wunpawng Shingni hpung ni mung n-gun jaw ai hte shang lawm ai hpe chye lu ai.
Lamang hta hpyen yen mung shawa ( 6000 ) jan sa du shang lawm ai re lam, lamang hpe Kachin CSO , WMR hte Myu lakung kru Baw sang ni woi awn galaw ai re lam chye lu ai.
KIO Ginjaw Laiza hte KIA Dap Ba, Dap Dung shara shagu hta mung, jahpawt hkying 7:00am aten hta Myen asuya hpyen dap ni htim gasat wa ai hpe ( 5 ) ning du hkra hkap shingla lu ai hpe Karai Kasang kaw chyeju shakawn akyu hpyi ai lam, Karai Kasang bau sin makawp maga ya ai chyeju a marang e ru yak jam jau jam hkaw, nni nkri law law hpe lawt kau lu ai majaw Karai Kasang hpe chyeju shakawn ai hte mara hpyi nem tawngban mara raw akyu hpyi ai lam, hpyen yen tsinyam hkrum sha nga ai Nu, Wa Mungdan sha ni a matu wunli la akyu hpyi ai lam ni hpe galaw ai lam chye lu ai.
