Nmau Ginwang Ginjaw hte KIA Masat (11) Dap Ba ningnan hpaw hpawng galaw

Nmau Ginwang Ginjaw hte KIA Masat (11) Dap Ba ningnan hpaw hpawng lamang hpe June shata 14 ya jahpawt Nawng Mun Mare Gawknu kaw galaw la lu sai lam, hpawng hta sa du shang lawm ai salang langai tsun ai.

Ndai Nmau Ginwang Ginjaw kata hta Ulang Pa Ginwang hte Shwegu Ginwang lahkawng lawm nhtawm, KIA Masat (11) Dap Ba kata hta gaw Masat (12) Dap Dung hte Masat (27) Dap Dung lahkawng hte hpaw shabawn da lu sai lam, salang wa matut tsun ai.

Hpawng lamang hta KIO Ginjaw Salang ni, Sinpraw Ginwang Ginjaw, Masat (3) Dap Ba na salang ni, mungchying mungshawa ni, hpung woi sara ni, htunghking salang ni hte hpunau Sam salang ni sa du shang lawm ai hte galaw la lu sai lam chye lu ai.