Nmawk ginra de gumshem Myen hpyen dap ni hpyen n-gun matut htu shadut nga
Manmaw, Nmawk ginra de gumshem Myen hpyen dap ni hpyen n-gun htu shadut nga ding yang re ai majaw, KIA hte gasat gala majan matut byin nga ai lam chye lu ai.
October shata 28 ya shani hta mung, Nmawk deng (7) Awng Mye mare maga de, gumshem Myen hpyen dap ni hpri gang modo mali lawm rai, numdaw kalang bai htu shadut lung wa ai majaw, KIA pawng hpawm hpyen hpung ni hte gasat gala majan matut byin nga ai lam, lit nga ai salang ni kaw na chye lu ai.
Gumshem Myen hpyen dap kaw nna, gasat gala majan byin ai shara de nbungli hte gap gasat ai sha n-ga, Manmaw Ts.K.Hk (21) kaw nna mung, laknak kaba ni hte gap garum ya ai hte hpyen n-gun jat ai lam ni hpe matut galaw nga ai lam chye lu ai.
Nmawk ginra hpe bai lu la hkra, gumshem Myen hpyen dap ni hpyen n-gun htu shadut nga ai hta KIA pawng hpawm hpyen hpung ni mung shingla gasat nga ding yang re hpe chye lu ai.
