Nmawk ginra gasat gala majan matut byin

KIA Masat (3) Dap Ba, Nmawk ginra hta KIA hte gumshem Myen hpyen dap lapran laja lana gasat gala majan byin nga ai lam chye lu ai.

July shata 15 ya shana maga hkying 4:00pm aten daram hta Nmawk Hk.M.Y (437) dap kata na hpyen hpung ni, Nmawk Deng-7 maga de hpyen shamu shamawt htu shadut sa wa ai hpe KIA pawng hpawm hpyen hpung ni gap gasat ai kaw nna, laja lana gasat gala majan byin wa ai re lam, lit nga ai salang ni kaw na chye lu ai.

Gasat gala majan byin ai hta lahkawng maga na hpyen masa gara hku naw rai nga ai hpe nchye lu shi ai hte Manmaw kaw dap jung nga ai gumshem Myen hpyen Hk.L.Y (47) dap ni kaw nna mung, Manje mare kata de laknak kaba gap shadam ai lam, ding yang galaw nga ai majaw, mungshawa ni hkrit tsang nga ai lam chye lu ai.

Ya aten Nmawk hte Manje ginra ni hta KIA hte gumshem Myen hpyen dap lapran hpyen masa shaja hkat nga ding yang re hpe chye lu ai.