Nmawk ginra gasat gala majan matut byin nga

Manmaw, Nmawk lapran KIA hte gumshem Myen hpyen dap ni gasat gala majan matut byin nga ai lam chye lu ai.

Manmaw kaw nna Nmawk de hpyen n-gun htu shadut nga ai gumshem Myen hpyen dap hte KIA pawng hpawm hpyen hpung ni August shata 27 ya shani hta mung, gasat gala majan matut byin nga ai lam, lit nga ai salang ni kaw na chye lu ai.

Deng (6, 7) lapran hta gasat gala majan matut byin nga ai rai nna, gumshem Myen hpyen dap gaw nbungli, Drone ni hte bawm wa jahkrat gasat nga ai re lam chye lu ai.

Laiwa sai August shata 19 ya shani Nmawk gumshem Myen hpyen Hk.M.Y (437) dap hpe KIA pawng hpawm hpyen hpung ni zing la lu ai hpang, August shata 24 ya shani kaw nna, Manmaw gumshem Myen hpyen dap ni hpyen n-gun htu shadut nga ai majaw, shani shagu ngu na gasat gala majan matut byin nga ai re hpe chye lu ai.