Nmawk ginra hta gumshem Myen hpyen dap ni mungshawa ni hpe rim jep ai lam galaw nga
Nmawk ginra hta gumshem Myen hpyen dap ni n-gun htu shadut gahkyin shara la nga nna, mungshawa ni hpe rim jep ai lam ni galaw nga ai hpe chye lu ai.
April shata 22 ya shani kaw nna, Nmawk ginra hta gumshem Myen hpyen dap ni n-gun htu shadut gahkyin nga nna, mungshawa ni hpe rip woi, jep joi ai lam ni galaw nga ai hpe ginra masha langai tsun ai.
Gumshem Myen hpyen dap ni gaw, Nmawk mare mungshawa ni a gat seng hkan na malu masha, arung arai ni hpe kam ai hku shang mya la ai lam galaw nga ai rai nna, mungshawa ni gaw hpyen masa gara hku rai wa na nchye ai majaw hkrit tsang nga ai hte shim lum ai shara hkan hpyen koi yen hkawm nga ai lam chye lu ai.
Matut nna April shata 24 ya shani mung, gumshem Myen hpyen dap ni Nmawk pyada kawng makau grup yin de sinat kaji kaba hkrup mara gap shadam ai lam ni galaw nga ai hpe chye lu ai.
April shata 22 ya shani kaw nna, Nmawk ginra hta gumshem Myen hpyen dap ni hpyen n-gun htu shadut lung wa ai majaw, KIA hte gasat gala majan byin ai sha n-ga, ya aten du hkra lahkawng maga hpyen masa shaja hkat nga ding yang naw re hpe chye lu ai.
