NRPC hte hkrumzup bawngban na matu KIO dat kasa ni Laiza kawn rawt sai

Myen Mung Asuya National Reconciliation and Peace Center (NRPC) ni hte hkrumzup bawngban na matu KIO Ninggawn Amu Madu Sara Kaba Kumhtat Hting Nan woi awn let, KIO dat kasa hpung ni Laiza kawn September shata 14 ya shana de Miwa Mung hku rawt sa wa sai lam chye lu ai.

Hkrumzup na shara gaw Kyeng Tung kaw rai nna September shata 17 ya shani hta NRPC ni hte Dingdung daw Dap Hpawm rai nga ai KIO/KIA, ULA/AA, MNTJP/MNDAA hte PSLF/TNLA ni hkrumzup bawngban na re.

Zuphpawng hta lai wa sai August shata 31 ya shani na zuphpawng kaw myit hkrum lam garai nlu ai lawnglam ni hpe matut bawngban sa wa na re lam chye lu ai.