Nyein Su Zi pukma 20 hte Tara jawat da ai Jan Nhkum Ja Hkawn hpe tara rung kawn gumhpraw dam hte shangut
Mali Nmai hka madim hpe tsep kawp dawm jahkring kau na matu lam hkawm shawa n gun madun ai kaw woi awn ai Jan Nhkum Ja Hkawn hpe Myitkyina tara rung kaw nna February shata 11 ya shani gumhpraw dam hte shangut kau sai lam na chye lu ai.
“Dai hpawt hkying 11:00am daram hta Nyein Su Zi pukma 20 hte tara jawat da ai amu hpe ျမိဳ့နယ္တရားရံုး kaw nna gumhpraw dam 10000 ( Lap Mun Mi ) hte shangut kau sai” nga nna Jan Nhkum Ja Hkawn tsun ai.
Mali Nmai hka madim sha nhkring dingsa gaw shawa n gun madun ai lam hpe matut galaw na re. Anhte buga masha ni tinang a mare de wanglu wanglang rai na wa nga lu hkra anhte gaw shakut na, Mali Nmai hka madim hpe ning hkap ai lam hta anhte Jinghpaw ni sha nre Myen, Sam, Gala yawng myit hkrum ra ai lam, Jan Nhkum Ja Hkawn matut tsun ai.
Laiwa sai February 7 ya shani hta lam hkawm shawa n gun madun ai kaw No Myitson Dam, nsen htawn jak loudspeaker hte akyu hpyi lamang ni hpe ahkang nlu ai galaw ai majaw, Myen Balik Du Myint Moe kaw nna Nyein Su Zi pukma 20 hte tara jawat da ai re.
