Pang Wa ginra gasat gala majan matut byin nga

KIA Masat (7) Dap Ba, Pang Wa ginra Lagwi mare kaw KIA hte gumshem Myen hpyen dap ni gasat gala majan matut byin nga ai lam chye lu ai.

September shata 11 ya shani, Pang Wa ginra Lagwi mare kaw KIA hte gumshem Myen hpyen dap, P.T.Ts pawng hpawm hpyen hpung ni gasat gala majan matut byin nga ai lam, lit nga ai salang ni kaw na chye lu ai.

Lagwi P.T.Ts dap hpe KIA pawng hpawm hpyen hpung ni laiwa sai September shata praw 6 ya shani gasat padang dip la lu ai hpang kaw nna, gumshem Myen hpyen dap hte P.T.Ts pawng hpawm hpyen hpung ni hpyen n-gun bai htu shadut wa ai majaw, gasat gala majan matut byin nga ai re lam chye lu ai.

Matut nna Myitkyina, Nawng Nang mile (10) mare kata de mung, dai ni September shata 11 ya shani, gumshem Myen hpyen dap ni hpyen n-gun kaba hte hpyen shamu shamawt shara la nga ai majaw, mungshawa ni hkrit tsang nga ai lam chye lu ai.