Pang Wa ginra mungshawa ni hpyen koi yen nga

Pang Wa ginra makau grup yin hta gasat gala majan matut byin nga ai majaw, dai ginra na mungshawa ni hpyen koi yen nga ai lam chye lu ai.

October shata praw kawn Pang Wa hte Kanpaiti ginra ni hta gumshem Myen hpyen dap n-pu na, BGF hte KIA pawng hpawm hpyen hpung ni gasat gala majan matut manoi byin nga ai majaw, October shata 17 ya shani kaw nna, dai ginra na mungshawa ni hpyen koi yen nga ai lam, ginra masha ni kaw na chye lu ai.

Hpyen koi yen nga ai mungshawa ni gaw, Miwa hkran maga de hprawng koi yen sa wa ai hta Miwa asuya kawn, mungdan kata jashang ai lam nnga ai majaw, ya aten jarit mayan hkan koi yen nga ai re lam chye lu ai.

Ya na zawn hpyen koi yen wa ai lam gaw, Pang Wa hte Kanpaiti Muklum kata gasat gala majan byin wa na hpe tsang ai majaw, dai ginra na mungshawa ni tau hkrau na hprawng koi yen nga ai re hpe matut chye lu ai.