Pang Wa hpe KIA zing

Jarit sin hpyen hpung BGF a Ginjaw Ginra shara rai nga ai, Pang Wa Muklum hpe KIA ni htim gasat zing madu la lu sai lam chye lu ai.

October shata 18 ya shana daw hkying 5:00pm aten daram kaw nna, Pang Wa hpe KIA pawng hpawm hpyen hpung ni laja lana htim gasat wa ai hta shana hkying 10:00pm aten daram hta zing madu la lu sai lam, lit nga ai salang ni kaw na chye lu ai.

Gasat gala majan byin nga ai hta gumshem Myen hpyen dap kaw nna, Pang Wa nhkrat sum na matu, nbungli ni hte gap gasat garum ai raitim, KIA pawng hpawm hpyen hpung ni zing madu la lu sai lam chye lu ai.

Pang Wa ginra kata dap jung nga ai BGF, P.T.Ts dap ni hpe KIA pawng hpawm hpyen ni October shata praw maga kaw nna htim gasat wa ai rai nna, ya aten Pang Wa ginra hpe KIA ni zing madu kau sai lam re.