Pawng hpawm hkungran ga shaka la akyu hpyi hpawng galaw
KIA Masat (2) Dap Ba, Hugawng Ginwang kata pawng hpawm hkungran ga shaka la akyu hpyi hpawng hpe galaw la lu sai lam chye lu ai.
December shata 12 ya shani Hugawng Ginwang komiti kawn masing jahkrat let, Masat (14) Dap Dung kata hkungran ga shaka garai nlu la shi ai magam gun dinghku ni hpe pawng hpawm hkungran ga shaka la akyu hpyi hpawng galaw ya ai lam, lit nga ai salang ni kaw na chye lu ai.
Hkungran ga shaka garai nlu la shi ai magam gun kun dinghku (19) hpe pawng hpawm hkungran ga shaka la akyu hpyi hpawng galaw ya ai rai nna, npu tsang magam gun ni a yakhkak ai lam ni hpe garum madi shadaw ya ai hte shari shadang hpring ai magam gun dinghku ni byin tai na matu yaw shada ai re lam chye lu ai.
Pang hpawm ga shaka la akyu hpyi hpawng hta mungshawa, dap shawa magam gun ni hte nawku hpung woi sara ni yawng marai (200) jan sa du shanglawm ai hte galaw la lu sai lam matut chye lu ai.
