Pinlebu Myen dap hpe KIA zing
Sagaing jatit, Pinlebu gumshem Myen hpyen dap hpe KIA ni zing madu la lu sai lam chye lu ai.
October shata praw 8 ya jahpawt hkying 5:00am aten daram hta Sagaing jarit Pinlebu kaw dap jung nga ai, gumshem Myen hpyen dap hpe KIA pawng hpawm hpyen hpung ni zing madu la lu sai lam, lit nga ai salang ni kaw na chye lu ai.
Pinlebu gumshem Myen hpyen dap hpe laiwa sai August shata 15 ya shani kaw nna, KIA pawng hpawm hpyen hpung ni htim gasat wa ai hta shata 2 ram na ai hpang zing madu la lu sai re lam chye lu ai.
Gumshem Myen hpyen dap kaw nna mung, Pinlebu nhkrat sum na matu hpyen n-gun kaba, nbungli ni hte htim gasat ai lam galaw nga ai raitim, KIA pawng hpawm hpyen hpung ni zing madu la lu sai lam chye lu ai.
