Putao mungshawa n-gun madun ai kaw shanglawm ai marai 5 hpe hkyuk sharen da

Putao Muklum kaw Gumshem ai Myen Hpyen Dap hpe ninghkap shawa n-gun madun lamang hta shanglawm ai marai 9 hpe Myen Hpyen Dap kaw nna February shata 20 ya shani rim woi mat ai hta, marai 4 hpe February shata 21 ya shani bai dat ya sai raitim, ngam ai marai 5 hpe gaw matut jep chyoi ra ai ngu nna Putao Namhpaw hkyuk kaw sharen da ai lam na chye lu ai.

Hkyuk kaw sharen da hkrum ai ni gaw, Salang Hpungraw Hpi Nang, Salang Malawng Hpe Nawng Awng, Shadang Lazum Awng Di, Salang Nhpye Sin Wa hte Shadang Zanhta Ram Sing ni re.

Shanhte marai 5 hpe shawa n-gun madun ai kaw woi awn ai re ngu ai ga baw hte Myen Hpyen Dap ni rim woi mat nhtawm, ya aten hkruk kaw sharen da ai re sha n-ga, February shata 22 ya shani tara kasa ni hte dum nta masha ni sa du jahkrum ai shaloi, hkrum na ahkang njaw ai majaw, dum nta masha ni myitru myittsang hkrum nga ai lam, Putao ginra na salang langai tsun ai kaw na chye lu ai.

Sharen da hkrum ai marai 5 hpe Putao Myone Tara Rung kaw    သဘာ၀ဘေးအန္ဒရာယ္ hte 144 ndau shana da ai hpe nhkan sa ai ngu ai pukma hpan 2 hte amu shawk shawn da ai lam na chye lu ai.

Ya aten Putao ginra hta mungshawa n-gun madun ai hpe simsa ai hku n-gun madun mai ai raitim, Putao hpaji dap magam gun ni hpe gaw CDM hta shanglawm ai raiyang shata shabrai lu na nre ngu ntsa tsang hpu-awn ni kawn tsun shadut ai lam nga ai re hpe mung na chye lu ai.

Photo Credit; Fb