Putao, Zidam mare na hpyen yen mungshawa ni malu masha garum ningtum ra kadawn nga

Putao Ginwang, Zidam mare na hpyen yen mungshawa htinggaw (70) daram gaw, COVID-19 ana zinli hpe hkrit tsang nga ra ai sha n-ga, mung masa hpyen masa shuk mung grai shuk shanut ai majaw, galaw lu galaw sha yak hkak nna malu masha garum ningtum ra kadawn nga ai lam chye lu ai.

Hpyen yen mungshawa ni nga ai shara mayan hta, lamu ga, ga sau ni mung n kaja ai, masha yawng a shara rai taw ai, galaw lu galaw sha na shara nman ai majaw, malu masha mayak mahkak byin nga ai lam, dai ginra na salang langai tsun ai.

Putao ginra gaw, mi kaw na mung grai yak hkak ai ginra rai nna, ya aten COVID-19 ana zinli sha n-ga, hpyen masa mung grai shuk shanut nga ai aten ladaw re majaw, nam de galaw lu galaw sha, tam lu tam sha mayak nga taw ai majaw, Muklum kata shanu nga ai mungshawa nkau mung, malu masha ra kadawn ai lam byin hkrum nga ai sha n-ga, Naw Mung mare hta mung, mam ni garai nmin shi ai majaw, malu masha yak hkak nna, Hpa Hpa sha ra ai madang byin taw ai lam, ginra masha ni tsun ai kaw na chye lu ai.

Zidam mare na hpyen yen ni gaw, Putao Lung Tsut mare kaw shawng hpyen koi yen shanu shabyi nga ai kaw na, Zidam mare de bai htawt sit shanu shingbyi nga ai hpyen yen mungshawa ni re lam chye lu ai.