Rev. Bima Dau Lum hte Sara Sumlut Tu Htang yan Myitkyina hkyuk htawng na lawt pru
Myitkyina Jaw Bum kaw Wunpawng Mungbawng Rapdaw (WMR) ni woi awn galaw ai (60) lang na rawt malan ninghtoi wunli sharawt akyu hpyi hpawng galaw ai majaw, Myitkyina hkyuk htawng hta sharen da hkrum ai Jaw Bum Lit Hkam Rev. Bima Dau Lum hte Myitkyina Ginwang Ramma Hpa-awn Sara Sumlut Tu Htang yan gaw, daini February shata 20 ya shana daw hkying 3:30pm aten hta hkyuk htawng kaw na lawt pru wa sai lam chye lu ai.
“Rev. Bima Dau Lum, Sara Sumlut Tu Htang, Sara Zau Jat hte Sara Lum Awng, shanhte marai 4 hpe ေျမာက္ပိုင္းတိုင္း kaw nna မတရားအသင္း ဆက္သြယ္မႈ ပုဒ္မ ၁၇/၁ hte February shata praw 6 ya shani tara jawat da ai hpe dai ni February shata 20 ya shani amu bai dawm kau ya ai majaw, Sara yan bai lawt pru wa sai re” nga nna Rev. Dr. Maji La Wawm tsun ai.
Sara ni hpe tara jawat da ai ဒု- ဗိုလ္မွဴးႀကီး Zaw Lin Aung rai nna, ndai amu hpe hparan ya na matu, Nay Pyi Taw kaw na တပ္ခ်ဳပ္ hte hkrum ra ai re. တပ္ခ်ဳပ္ mung hkrun lam hkawm taw ai majaw, ya na zawn Sara yan aten na mat ai re hte ဒု- ဗိုလ္မွဴးႀကီး Zaw Lin Aung shi nan sa du nna shawk shawn da ai amu hpe dawm shaprai kau ya ai re lam, Rev. Dr. Maji La Wawm tsun ai.
Sara yan hpe February shata praw 6 ya shani Jaw Bum kaw nna Myitkyina Balik Dap kaw woi tawn ai hpang, February shata 11 ya shani gaw Myitkyina hkyuk htawng de shara bai htawt sit kau ai re.
Ndai amu hte seng nna Wunpawng Mungbawng Rapdaw (WMR), Jinghpaw Wunpawng Hkalup Hpung Ginjaw (KBC), Simsa Lam Akyu Galaw Hpung (PCG) ni kaw nna seng ang ai asuya ni hte bawngban jahkrup ai re hpe chye lu ai.
