Rev. Dr. Hkalam Samson hte American Gumsan Magam Donald J. Trump hkrum shaga

KBC ningbaw Rev. Dr. Hkalam Samson, Sara Langjaw Gam Seng ni July shata 17 ya shani hta American Mungdan Gumsan Magam Donald J. Trump a rung nta ( Oval Office ) kaw hkrum shaga ai lam chye lu ai.

American Gumsan Magam hpe Sara Kaba Hkalam Samson tang madun ai hta, Myen hpyen dap gaw bawsang mungchying shawa hpe roi rip ai lam, makam masham hpe hkum pat ai lam, laknak lang amyu bawsang rawt malan ni mung Myen hpyen asuya dap hpe ninghkap gasat nga ai re. American Asuya kaw nna Myen Mung na rawt malan amyu bawsang ni a matu Democracy hte Federal masa lam yan hta garum ya na hte Myen hpyen dap ningbaw ni hpe santion galaw ai lam gaw grai tang du ai hte chyeju dum ai lam ni tsun ai hpe chye lu ai.