Sadung ginra hta gumshem Myen hpyen dap ni nbungli bawm wa jahkrat bun

KIA Masat (5) Dap Ba, Sadung ginra hta gumshem Myen hpyen dap ni nbungli bawm wa jahkrat bun ai lam chye lu ai.

February shata praw 7 ya shani hkying 12:30pm aten hte 1:00pm aten laman, Sadung ginra Lung Htang mare kaw gumshem Myen hpyen dap ni nbungli hte bawm (3) lang wa jahkrat bun ai lam, ginra masha ni tsun ai.

Nbungli bawm wa jahkrat bun ai hta laika sharin jawng kata kaw langai, jawng wang kaw langai, baw lung pa kaw langai rai masum lang wa hkrat kapaw ai lam chye lu ai.

Matut nna Lang Se ginra hta mung, February shata 7 ya shana maga hkying 4:00pm aten daram hta gumshem Myen hpyen dap ni nbungli bawm (2) lang wa jahkrat bun ai lam chye lu ai.

Gumshem Myen hpyen dap ni gaw ya aten gasat gala majan byin ai lam nnga ai shara ni hta nbungli bawm hkrup mara gap gasat nga ai lam chye lu ai.