Salum ni a salum hpung laning mi hpring chyeju shakawn akyu hpyi hpawng galaw
Salum ni a salum laning mi hpring chyeju shakawn akyu hpyi hpawng hpe Gaw Ningja, Salum ni a salum komiti kawn woi awn nna Je Yang IDPs, K.B.C Gawk Nu kaw July shata 8 ya shani hkying 10:00am aten hta galaw ai lam chye lu ai.
Gaw Ningja, Salum Ni a Salum Hpung hpe 2018 ning July shata praw 8 ya jahpawt hkying 7:00am aten hta Je Yang IDPs, K.B.C Gawknu kaw masha marai 7 hte akyu hpyi hpaw hpang da ai re.
“Yaw shada lam gaw ya law malawng asak 2 ning 3 ning re ai ma kaji ni a majaw kanu kawa ni amu bungli nmai galaw sha ai hpe mu nna lawan lakawn ra sai ngu hpe myit wa ai hta dai ni anhte ginjaw ginra hpyen yen shara shagu na yak hkak ai ma kaji ni hpe alawan pawn ba la ra sai ngu nna yaw shada let galaw ai re” nga nna Gaw Ningja Zinlum Komiti Ningbaw, Salang Malang Bawk Naw tsun dan ai.
Dai ni na akyu hpyi hpawng hta Magam dap shagu na saw shaga da ai Mungdan magam gun salang ni hte Hpun Lum Yang hpyen yen dabang, Woi Chyai hpyen yen dabang, Je Yang hpyen yen dabang hkan na lawk salang ni hte mungshawa ni yawng marai 160 daram sa du shang lawm ai lam chye lu ai.
