Sam Hkyeng Pyi Tu Tsit ( P.T.Ts ) ni, mare masha ni a Wuloi Dumsu ni hpe rim da nna gumhpraw hpyi sha
KIA Dap Ba ( 9 ) Dap Dung ( 26 ) ginra, Hpakant Ginwang, Lung Tung Loi Mun mare kaw nga ai Sam Hkyeng Pyi Tu Tsit ( P.T.Ts ) ni gaw, August 26 laban shani Lung Tung Loi Mun mare grup yin na Wuloi, Dumsu ni hpe hkan rim grit hkawm ai lam na chye lu ai.
Rim gyit tawn ai Wuloi, Dumsu langai mi hta 5,000 ( Hkying Manga ) hte Wuloi, Dumsu madu ni hpe bai shaw la shangun ai lam, buga masha ni kawn chye lu ai.
KIA Dap Ba ( 2 ) Dap Dung ( 14 ) ginra, Hugawng Ginwang, Nambyu mare kaw du nga ai Myen hpyen hpung ni mung, mare masha ni hpyen majan a majaw ngam kau da ai Wuloi, Dumsu ni hpe majoi gap sat sha ya nga ai lam na chye lu ai.
