Sammung dingdung daw Chyeti Myo ne (ေက်းသီး ျမိဳ ့နယ္), Wan Chyawng (၀မ္းေက်ာင္း) mare kaw lu hka mayak mahkak hkrum nga

Sammung dingdung daw, Chye Ti Myo ne (ေက်းသီး ျမိဳ  ့နယ္), Wan Chyawng (၀မ္းေက်ာင္း) mare kaw na mungmare masha ni lu hka yak hkak hkrum nga ai lam chye lu ai.

“Chye Ti Myo ne (ေက်းသီး ျမိဳ  ့နယ္), Wan Chyawng (၀မ္းေက်ာင္း) mare kaw shawng de gaw bum hka kaw na len la ai hka hpe jai lang ai rai nna, ya gaw dai hka nlu mat ai majaw, mare hte mile 2 daram tsan ai hka lawng kaw na sa ja la ra ai, dai hka hpe du sat yamnga ni mung jai lang nga ai re majaw, hka nau nsan ai raitim mare masha ni mung ndai hka hpe sha jai lang taw nga ai re nga” nna Sarama Daw Nan Aye Mi (နန္းေအးမိ) tsun ai.

Ya aten hta Wan Chyawng (၀မ္းေက်ာင္း) mare masha ni lu hka mayak mahkak hkrum ai majaw, shawa masha ni yawng gahkyin nna, mare hte mile 5 daram tsan ai hka rum kaw na hka len la na matu hkyen lajang nga ai lam, garum ningtum hte mare kaw nna mung mai byin ai daram jawm shakut nga ai raitim, hka shalen na, hka ပိုက္ 1000 (Hkying Mi ) jan naw ra kadawn nga ai majaw, hka ပိုက္ garum ningtum ra ahkyak nga ai re hpe chye lu ai.

Wan Chyawng (၀မ္းေက်ာင္း) mare gaw nta htinggaw 37 shanu nga ai rai nna, naw ra kadawn nga ai hka ပိုက္ hpe garum jaw mayu ai ni, phone hkring dat- 09250783017 (ဆရာမ ေဒၚနန္းေအးမိ) kaw matut mahkai wa mai ai lam chye lu ai.

Photo; Fb, Mai Kaung Saing