Sammung Dingdung Daw hta byin nga ai majan a majaw hpyen koi yen masha grau law jat wa
Sammung Dingdung Daw Tibaw muklum grupyin hta Sam Hpyen Hpung ( RCSS/SSA ) hte Ta-ang hpyen hpung ( PSLF/TNLA ) ni gasat gala majan byin ai majaw
December, 22 ya shani hta Mare masha marai ( 2000 ) daram Tibaw Muklum de hpyen koi yen mat ai lam chye lu ai.
RCSS/SSA hpyen hpung hte TNLA hpyen hpung ni laja lana htim gasat hkat ai majaw Mung shawa ni hprawng yen ra mat ai re lam, Pan Lung mare kahtawng hkan na Mung mare masha marai ( 1000 ) daram gaw Nammatu ninghtawn Mantsan mare na hpunggyi jawng ni hta shingbyi nga ai re lam mung chye lu ai.
Tibaw Muklum, Man Kawng laika sharin jawng makau kaw hpyen yen dabang ( 5 ) hpaw da nhtawm hpyen yen Mung shawa marai ( 2000 ) jan nga ai hte n-shung ta re majaw ntsa palawng hte hpun n-ba ni hkyak hkyak ra kadawn nga ai lam mung chye lu ai.
