Sammung Wunpawng Hkringmang ninggang gawdin ginsup poi lamang hpe galaw ngut
Sammung Wunpawng Htunghking Hpung Ginjaw Ramma Komiti kaw nna lit la woi awn galaw ai, Sammung Wunpawng Hkringmang Ninggang gashun gawdin ginsup poi hpe October shata 29 ya shana daw hkying 1:00pm aten hta Lashio Ginwang hte Kawnghka Ginwang ni Ninggan hpe kashun ginsup ai lam chye lu ai
Ninggang hpe Lashio Ginwang gawdin hpung ni lu mat ai rai nna Sammung Wunpawng Hkringmang Duwa Zuk Dau shinan wa du shagrau shanglawm ai lam, ndai gawdin ginsup ai lamang hpe shaning shagu galaw sa wa na re lam, ginsup komiti na shiga lithkam sara Shekoi Dau Ze tsun dan ai kawn chye lu ai.
Ginsup poi hta shanglawm ai team ni gaw, Kutkai KJH FC, Zupra Ningshawng, Namhkam Ginwang, Maha Hkawan Rap, Muse Ginwang, Lashio JLH Dakkasu, Mungji Ginwang, Munggu Hpawngseng Ga, Tamunye Ginwang, Zaubung Ga, Kangming Ginwang, Kawnghka Ginwang, Namhpakka Ginwang, Dima FC, Mungbaw Namhkyek Ga hte Lashio Ginwang ni re hpe chye lu ai.
