San Yosep Nawku Htingnu Ding Shawn Poi hpawng galaw
Manmaw Saradaw Ginwang, Manje Ginwang Manje Muklum kaw March shata 19 ya hkying 8:00am aten San Yosep nawku htingnu ding shawn poi hpawng hpe galaw ai lam chye lu ai.
Nawku htingnu shaman ai hte Missa hkungga nawng jau ai hpe jahpawt hkying 8:00am aten rai nna, shagrau ten hpe hkying 10:00am, hkalum ten hpe hkying 11:00am kawn hkying 2:00pm aten re lam ginra masha Salang langai tsun ai.
Nawku htingnu ding shawn poi hpawng hta Myitkyina Saradaw Jau Ginwang hte Manmaw Saradaw Jau Ginwang na Wa Saradaw ni,Wa Jau ni, Mama ni hte nawku hpung masha ni sa du shang lawm ai lam chye lu ai.
San Yosep nawku htingnu hpe Karai Kasang a shaman chyeju hte rau alu ja gumhpraw law law hte magup sum hpa hku nna shang lawm garum ai hte hpung masha ni yawng a jawm galaw gaw gap la lu sai nawku htingnu re lam chye lu ai.
Nawku htingnu hpe 2020 January praw 4 ya shani kawn galaw hpang ai, ding shawn poi de du sa wa ai Wa Saradaw, Wa Jau, Mama ni hte nawku hpung masha ni yawng marai 2000 daram re lam chye lu ai.
