Sang Hka nawku jawng wang lamu ga hpe Mya U Yin Lung Seng Company ni sa kum la

Hpakant Sang Hka mare Hkalup Hpung nawku jawng wang kata kaw na lamu ga Pe 100 jan hpe Mya U Yin Lung Seng Company ni gaw February shata praw 6 ya shani kaw nna wang nhpan sa kum masat la ai lam galaw wa ai re hpe Buga masha ni tsun ai kaw na chye lu ai.

Ndai lamu ga hta lai wa sai shaning hkan Mya Yin Lung Seng Company kawn mawdaw lai na matu lai lam garum hpyi lang ai shara rai nna, February praw 6 ya shani Company masha ni kawn nawku hpung de tsun shana ai lam nnga ai sha, wang nhpan sa kum masat ai lam galaw wa ai lam hpe Sang Hka mare hpung masha ni kawn February praw 8 ya shani wang nhpan yawng sa run kau ya ai lam Buga masha ni tsun ai kaw na chye lu ai.

Wang nhpan hpe run ai ten hta Mya U Yin Company kaw na Myen Balik ni sa du shaga ai lam nga ai rai nna, hparan jasan ai lam galaw sa wa na re lam matut chye lu ai.

Photo; Fb