Sanun Kawng kaw gasat gala majan byin

KIA Masat (9) Dap Ba, Masat (26) Dap Dung ginra Sanun Kawng grup yin kaw gasat gala majan byin ai lam chye lu ai.

April shata 11 ya jahpawt hkyin 4:00am aten daram hta KIA pawng hpawm hpyen hpung ni shara la nga ai, Sanun Kawng maga de gumshem Myen hpyen dap hte Sam hkyeng P.T.Ts (SNA) pawng hpawm hpyen hpung ni htu shadut lung wa ai majaw, gasat gala majan byin wa ai lam, shawnglam lit nga ai salang ni kaw na chye lu ai.

Gasat gala majan byin ai hta gumshem Myen hpyen dap hte SNA ni sum machyi nna bai hprawng htingnut mat wa ai sha n-ga, sinat laknak arung arai ni hpe mung, padang dip zing la lu ai lam chye lu ai.

Manmaw ginra hta mung, ya aten gasat gala majan byin ai lam nnga ai raitim, gumshem Myen hpyen dap ni nbungli, drone ni hte shani shagu gap gasat ai lam ding yang galaw nga ai hpe chye lu ai.