Saranum Mali San Pan hpe Myen la ni roi rip sat kau

Manmaw Mali Yang buga hpung woi Rev. La Ja hte Saranum Ah Chang yan a shayi sha saranum Mali San Pan hpe February praw, 9 ya shana maga hkying 5:00pm aten daram hta 

Myitkyina Muklum ၾကက္ေပါင္ျခံ lawk ( 6 ) shi nga ai nta kaw Myen la ni nhkyi hte ( 19 ) lang galun roi rip zingri sat da ai lam na chye lu ai.

Ya aten seng ang ai ni kaw nna sat ai masha ni hpe sawk sagawn tam nga ai lam na chye lu ai. Saranum a hkum tsawp moi mang hpe February 11 ya shani Nawngnang Hkristan lup ding lup ra de makoi mayang na re lam chye lu ai.

Ndai saranum San Pan gaw laiwa sai 2011 ning hta “Nursing” tsi jawng ngut nna Manmaw Muklum tsi rung hta magam mung gunhpai laiwa sai lam, Myitkyina Muklum, jinghku ni a gat seng kaw wa garum nga ai aten hta ya na zawn mazut roi rip sat kau hkrum ai re lam chye lu ai.