Sawng Hka mare uphkang salang ni hpe Myen hpyen hpung ni zuphpawng woi galaw
KIA Dap Ba ( 2 ) Dap Dung ( 6 ) ginra, Sawng Hka mare kaw nga ai Hk.L.Y ( 252 ) dap na Captain ဇာနည္ေ႒း gaw, November 12 ya jahpawt hkying 8:30am aten hta mare uphkang salang ni hpe zuphpawng woi galaw ai lam, buga masha ni kaw na chye lu ai.
Dai Myen du wa tsun ai gaw, shana hkying 6:00pm kawn jahpawt hkying 6:00am aten laman, mare kata pru hkawm ai lam, uhpung hpaw jahta ai lam, gawdin pan hkan gawdin ginsup masha mahkawng ai lam, hkauna pa hkan yup ai lam n mai galaw ai, mu yang kadai hpe raitim gap kau na” ngu hkap tsun ai.
Zuphpawng ngut ai hpang mare uphkang salang ni kawn mare kata tsun ndau hkawm ai lam galaw ai.
KIA Dap Ba ( 1 ) ginra hta shamu shamawt nga ai Myen hpyen hpung ni mung, KIA magam gun nna, ahkang hte nta wa nga ai ni yawng hpe hkan rim na ngu tsun ai lam, buga masha ni kawn chye lu ai.
