Seng Tawng mare kaw gumshem Myen hpyen dap ni nbungli bawm matut wa jahkrat bun
Hpakant, Seng Tawng mare kaw gumshem Myen hpyen dap ni nbungli bawm matut wa jahkrat bun ai lam chye lu ai.
Semtember shata 22 ya shani hkying 12:45pm aten daram hta Hpakant Seng Tawng mara kaw gumshem Myen hpyen dap Jet nbungli (2) hte bawm matut wa jahkrat bun ai lam, lit nga ai salang ni kaw na chye lu ai.
Nbungli bawm wa jahkrat bun ai sha n-ga, laknak kaba ni hte mung gap bun ai majaw, Seng Tawng mare na dum nta ni hten za hkrum nga ai rai nna, mungshawa ni mung hpyen yen tsin yam hkrum nga ai re.
Hpakant ginra hta KIA hte gumshem Myen hpyen dap ni gasat gala majan matut manoi byin nga ai hta gumshem Myen hpyen dap ni kaw nna, nbungli bawm laknak kaba ni hte shani shagu ngu na gap bun nga ai re hpe chye lu ai.
Lai wa sai September shata 16 ya shani kaw nna, Hpakant Seng Tawng mare kaw gumshem Myen hpyen dap ni nbungli bawm, laknak kaba ni hte gap bun nga ai sha n-ga, KIA hte gumshem Myen hpyen dap lapran hpyen masa shaja hkrat nga ding yang re hpe chye lu ai.
